17:00 17.11.2009 | Все новости раздела "Объединенная Гражданская Партия"
Лукашэнка: Удзел у Мытным саюзе з Расіяй пярэчыць нацыянальным інтарэсам Беларусі
Аляксандр Лукашэнка занепакоены тым, ці змог урад абараніць і цалкам ўлічыць беларускія інтарэсы пры фармаванні Мытнага саюза Беларусі, Расіі і Казахстана. Ён заклікаў пераацаніць дасягнутыя дамоўленасці.
«Шчыра скажу, мяне турбуе, ці дастаткова абаронены і цалкам ці ўлічаныя беларускія эканамічныя і замежнапалітычныя інтарэсы на этапе ўзгаднення ўмоў Мытнага саюза», — заявіў А. Лукашэнка на нарадзе па пытанні фарміравання Мытнага саюза.
Кіраўнік дзяржавы адзначыў, што «зарэзервавалі для сябе шэраг палажэнняў па найбольш адчувальных пазіцыях і Казахстан, і Расея».
«А што ж нашы перамоўнікі ў гэтай сітуацыі? Неабходнай у такіх выпадках напорыстасці я б не адзначыў сёння.
У мяне складваецца ўражанне, што яны пайшлі па шляху найменшага супраціву, саступаючы свае пазіцыі і не атрымліваючы нічога прадметнага наўзамен, акрамя агульных запэўненняў і абяцанняў» , — сказаў А. Лукашэнка. Пры гэтым ён падкрэсліў: «Ніякіх запэўненняў, абяцанняў і клятву не прымаецца. Усе пытанні трэба вырашаць цяпер, бо мы ведаем, як гэтыя запэўненні потым выконваюцца», — заявіў А. Лукашэнка.
У першую чаргу кіраўнік дзяржавы пацікавіўся тым, як ідуць справы з Адзіным мытным тарыфам, які плануецца ўвесці ў дзеянне з 1 студзеня 2010 года. «Урад дакладвае, што ён ужо ўзгоднены і гатовы да падпісання кіраўнікамі дзяржаў», — адзначыў беларускі лідэр, выказаўшы ў сувязі з гэтым шэраг сумненняў. «Ці зроблены дакладныя разлікі і аналіз па кожным напрамку і па кожнай таварнай пазіцыі на прадмет магчымых выгод або страт?
Ці праведзена праца беларускімі арганізацыямі і прадпрыемствамі па ўліку іх інтарэсаў і падрыхтоўцы да новых умоў гаспадарання?», — спытаў А. Лукашэнка.
Ён адзначыў, што « саступкі непазбежныя, аднак яны павінны быць узаемнымі і збалансаваным». А. Лукашэнка з жалем канстатаваў, што «у нас на сёння няма ніякай яснасці ні па пытанні аб адмене экспартных мытаў на нафту, якія ўжывае Расія, ні па адзіным цэнаўтварэнні на прыродны газ і іншыя энергарэсурсы на тэрыторыі Мытнага саюза». «А вашыя довады пра тое, што гэтыя пытанні будуць урэгуляваны ў рамках Адзінай эканамічнай прасторы, непераканаўчыя», — заявіў А. Лукашэнка, звяртаючыся да членаў урада.
У сувязі з гэтым А. Лукашэнка заўважыў, што «Расея і Казахстан у чымсьці падобныя адзін на аднаго, асабліва ў галоўным — у іх ёсць вуглевадародную сыравіну, ёсць газ і іншае». «Гэта сведчыць аб тым, што яны будуць выступаць пры прыняцці рашэнняў скансалідавана.
Наша эканоміка цалкам іншая. Вось калі б тут была яшчэ і Украіна, то было б прасцей, таму што ў нас эканомікі падобныя.
А так, мы са сваёй эканомікай можам застацца адзін на адзін «, — адзначыў кіраўнік беларускай дзяржавы.
Ён таксама не бачыць яснасьці ў тым, «як будуць размяркоўвацца паміж бюджэтамі трох дзяржаў мыты за імпартаваныя тавары з трэціх краін, не панясе Ці наш бюджэт страты ў сувязі з выкананнем такога варыянту».
А. Лукашэнка звярнуў таксама ўвагу на тое, што «ў апошні час мы дыверсіфікавалі свой экспарт, імпарт, гандлюем з Еўрапейскім Саюзам, іншымі». «Ці зможам мы кампенсаваць выпушчаная выгада ад супрацоўніцтва з трэцімі краінамі, удзельнічаючы ў Мытным саюзе, сфармаваныя пераважна на расейскіх умовах?», — спытаў А. Лукашэнка.
Акрамя таго, па яго словах, «нельга забываць, што ў цяперашніх умовах ўдзел Беларусі ў Мытным саюзе набывае геапалітычны сэнс, прытым вельмі глыбокі». Кіраўнік дзяржавы растлумачыў, што «пры ўдзеле ў Мытным саюзе Беларусь страчвае частку свайго эканамічнага суверэнітэту ў пытаннях гандлёвых адносін з трэцімі краінамі і ў нейкай меры ставіць некаторых айчынных таваравытворцаў пад пагрозу».
«Ці атрымаем мы пры гэтым магчымасць выйсці на якасна новы, больш высокі ўзровень доступу і прысутнасці Расіі і Казахстана», — заўважыў А. Лукашэнка.
Ён папярэдзіў урад аб тым, што яго ацэнка магчымых негатыўных наступстваў для эканамічнай і палітычнай бяспекі краіны будзе ўзята за аснову пры прыняцці канчатковага рашэння беларускім бокам на найвышэйшым узроўні аб стварэнні і ўступленні Беларусі ў Мытны саюз. «Вы павінны разумець, што любая памылка, любы пралік тут будзе вельмі дорага каштаваць краіне і народу. Так што, высновы рабіце самі, я чакаю ад вас абсалютна аб’ектыўных ацэнак», — заявіў ён.
Таццяна Паляжай, БЕЛТА
Обсудить новость на Форуме