19:34 25.03.2010 | Все новости раздела "Объединенная Гражданская Партия"
Лябедзька заявіў хадайніцтва аб адводзе суддзі
Сёння аб 11-й гадзіне ў Валожынскім судзе пачаўся разгляд справы аб адміністратыўным правапарушэнні ў адносінах да лідэра АГП Анатоля Лябедзькі.
Нягледзячы на тое, што судовае пасяджэнне адкрытае, міліцыянты два разы спрабавалі не пусціць у судовую залу сына Лябедзькі і старшыню камісіі па прававых пытаннях АГП Антаніну Кавалёву. Аднак яны ўсё ж былі дапушчаныя на судовае пасяджэнне.
На пачатку судовага разбіральніцтва Анатоль Лябедзька заявіў хадайніцтва аб адводзе суддзі, абапіраючыся на рэзалюцыі Парламенцкай Асамблеі і Рады Еўропы аб тым, што ў Беларусі не існуе незалежнай судовай сістэмы, а таксама на Канстытуцыю Рэспублікі Беларусь, у якой занатаваны прыярытэт міжнароднага заканадаўства над нацыянальным.
Дарэчы, судзіць Анатоля Лябедзьку мусіла тая ж суддзя, што вяла справу ў дачыненні да Саюза палякаў пад кіраўніцтвам Анжалікі Борыс.
Суддзя назвала хадайніцтва аб яе адводзе не матываваным. Лябедзька заявіў новае хадайніцтва аб азнаямленні з матэрыяламі справы. Гэта хадайніцтва было задаволена.
Обсудить новость на Форуме