14:15 05.03.2012 | Все новости раздела "Объединенная Гражданская Партия"

Лябедзька возьме ўдзел у мітынгу на Пушкінскай плошчы

lebedko-press-28-2Расійскія дэмакраты паразы на прэзідэнцкіх выбарах не прызнаюць і рыхтуюцца да масавых пратэстаў ў Маскве сёння вечарам. Нават па афіцыйных дадзеных, у сталіцы Расіі Уладзімір Пуцін не перамог сваіх канкурэнтаў у першым туры.

Апазіцыя ж заяўляе пра масавыя фальсіфікацыі галасоў і намерана арыентавацца толькі на апытанні незалежных экзіт-пулаў, вынікі якіх будуць агучаныя на вечаровай акцыі пратэсту.

З беларускіх палітыкаў удзел у мітынгу на Пушкінскай плошчы возьме старшыня Аб’яднанай грамадзянскай партыі АнатольЛябедзька, які з гэтай нагоды адмыслова прыехаў сёння ў Маскву.

- Гэта візіт салідарнасці з тымі, хто за свабодныя і справядлівыя выбары. Гэта актуальна як у Маскве, так і ў Мінску. Ёсць драйв, ёсць адчуванне, што гэта іншая Расія. Тыя апазіцыянеры, з якімі мне ўдалося паразмаўляць, маюць баявы настрой. Людзі настроены на перамены. На тое, што ўчора яшчэ нічога не закончылася. Ад таго, якім актыўным будзе грамадства, такімі будуць і перспектывы ў Расіі.

Дазволены мітынг у Маскве ў рамках кампаніі «За сумленныя выбары» распачнецца а 18-й гадзіне. Заяўленая колькасць яго ўдзельнікаў – 10 тысяч чалавек. Аднак ужо цяпер зразумела, што мітынгуючых будзе нашмат болей.

У гэты ж час каля будынка Цэнтравыбаркаму маюць намер мітынгаваць і прыхільнікі лідара «Іншай Расіі» Эдуарда Лімонава. Гэта акцыя не дазволеная ўладамі. Акцыі пратэсту супраць фальсіфікацый на выбарах плануюцца ў панядзелак і ў шэрагу іншых гарадоў.

Источник: Объединенная Гражданская Партия

  Обсудить новость на Форуме