14:45 16.12.2009 | Все новости раздела "Объединенная Гражданская Партия"

Лябедзька: "Маім выкраданнем займалася Альфа"

Лідэр Аб’яднанай грамадзянскай партыі Анатоль Лябедзка, які таксама прайшоў праз выпрабаванні выкрадання тры гады таму, заклікае далучыцца да акцыі Салідарнасці 16 снежня а 18 гадзіне на Кастрычніцкай плошчы, каб запатрабаваць ад уладаў спыніць пераслед дэмакратычнай грамадскасці.

Анатоль Лябедзька распавёў Радыё Рацыя пра тое, што так і няма адказу на яго запыт адносна выкрадання:

- Я так і не дабіўся адказу КДБ, хаця ў мяне ёсць інфармацыя, што тады гэтай аперацыяй займаліся падраздзяленні "Альфа". Але я потым махнуў рукой і вось зараз шкадую, бо калі мы не надаем нейкай галоснасці, публічнасці супрацьзаконным дзеянням, то праз некаторы час гэта ўсё ўзнаўляецца, і набывае яшчэ больш шырокія маштабы.

Палітык паведаміў, што будзе ўдзельнічаць у акцыі Салідарнасці на Кастрычніцкай плошчы:

- Безумоўна я сёння буду на плошчы Кастрычніцкай разам са сваімі калегамі. Для мяне гэта маральны бок таго, што мы робім. Наша прысутнасць, калі-некалі, не дазваляе брутальных паводзінаў з боку сілавікоў.

Источник: Объединенная Гражданская Партия

  Обсудить новость на Форуме