11:00 11.03.2012 | Все новости раздела "Объединенная Гражданская Партия"
Карняенку і Калякіну забаранілі выезд зь Беларусі
Беларускія памежнікі ня выпусьцілі з краіны каардынатара кампаніі «За свабодныя выбары» Віктара Карняенку і старшыню партыі «Справядлівы сьвет» Сяргея Калякіна. Палітыкі накіроўваліся ў Літву.
Пра забарону на выезд зь Беларусі Карняенку і Калякіну паведамілі на памежным пункце «Каменны Лог» беларуска-літоўскай мяжы. Тлумачэньняў адмовы не далі.
«Мы ехалі на аўто па зялёным калідоры. Праз 15 хвілін, як мы аддалі дакумэнты на пашпартны кантроль, да нас падышоў старэйшы зьмены і паведаміў, што ў выезде зь Беларусі нам адмоўлена. Аддаў пашпарты без ніякіх пазнакаў і загадаў вярнуцца назад», — паведаміў «Свабодзе» Віктар Карняенка.
Віктар Каряненка заўважыў, што не атрымліваў паведамленьняў пра забарону на выезд ад дзяржаўных органаў, як таго патрабуе закон. Апошні раз ён выязджаў за мяжу 23 лютага і тады ніякіх праблемаў пры выездзе не ўзьнікла.
7 сакавіка старшыня Аб’яднанай грамадзянскай партыі Анатоль Лябедзька ня змог выехаць у Літву. На памежным пункце «Каменны Лог» беларускія памежнікі забаранілі яму перасячэньне дзяржаўнай мяжы. Тлумачэньняў адмовы не далі. Сам Лябедзька лічыць, што трапіў у чорны сьпіс апазыцыянэраў, якім улады забаранілі выяжджаць у краіны Эўразьвязу.
Беларускія ўлады афіцыйна не пацьвярджаюць наяўнасьць такога сьпісу.
Обсудить новость на Форуме
26 декабря 2024
| « | Декабрь 2024 |
| Пн | Вт | Ср | Чт | Пт | Сб | Вс |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 |