17:47 16.01.2012 | Все новости раздела "Объединенная Гражданская Партия"
Карціны, намаляваныя лідарамі АГП, наведаюць еўрапейскія парламенты
Карціны, намаляваныя лідарамі Аб’яднанай грамадзянскай партыі перад дабрачынным распродажам, наведаюць парламенты еўрапейскіх краінаў. Такім чынам дэмакраты маюць намер прыцягнуць увагу да ўласнай сацыяльнай акцыі, а таксама нагадаць еўрапейскім палітыкам пра найноўшыя падзеі ў Беларусі.
Разам з тым, па словах прэс-сакратара АГП Ганны Красулінай, адзін з малюнкаў можа быць перададзены дабрачынцам яшчэ да паездкі ў Еўропу. Лёс прыза вырашыцца заўтра падчас першай прэс-канферэнцыі партыйцаў у гэтым годзе.
- На самай справе мы вырашылі падоўжыць гэтую акцыю, бо яна добра ідзе. Ёсць вялікая колькасць невялікіх ахвяраванняў. Было адно вялікае ахвяраванне. Скажам так, прэтэндэнт на ўручэнне адной карціны ёсць. І паколькі пайшло добра і людзі цікавяцца, то мы падумваем працягнуць гэтую акцыю і прыкідваем выстаўленне гэтай карціны ў галерэі «Ў». А потым мы хочам яе правезці па некаторых еўрапейскіх парламентах.
Малюнкі, прапанаваныя да набыцця за ахвяраванні, уяўляюць сабой адбіткі далоняў лідараў АГП, а таксама такіх вядомых беларусаў, як Станіслаў Шушкевіч, Зінаіда Бандарэнка, Юры Хашчавацкі, Святлана Калінкіна ды многіх іншых.
Дабрачынная акцыя была абвешчана дэмакратамі напярэдадні Новага года, а атрыманыя грошы палітыкі абяцаюць накіраваць у дзіцячыя дамы, а таксама на падтрымку тых, хто пацярпеў ад рэпрэсій уладаў.
www.new.racyja.com
Обсудить новость на Форуме