18:15 31.01.2012 | Все новости раздела "Объединенная Гражданская Партия"
«Кааліцыя шасьці» не падпісала плян сумесных дзеяньняў на выбарах
Заплянаванае падпісаньне пагадненьня пра супольныя дзеяньні партыяў і рухаў на парлямэнцкіх выбарах не адбылося.
Прадстаўнікі кааліцыі 40 хвілін дыскутавалі за зачыненымі дзьвярыма.
Пасьля да журналістаў выйшаў кіраўнік АГП Анатоль Лябедзька.
«Прыняць рашэньне па формуле „6+“ пакуль не атрымліваецца. А выходзіць да журналістаў з формулай „5+1“ альбо „4+2“ палічылі немэтазгодным», — заявіў Лябедзька.
На заўвагу, што да абвяшчэньня выбараў застаецца менш за 6 месяцаў, а агульнага рашэньня няма, Лябедзька адказаў: «У гэтым няма вялікай бяды. Кожны з суб’ектаў „шасьцёркі“ ведае свае магчымасьці і скарыстае іх».
Ён дадаў: «Ва ўсіх суб’ектаў ёсьць паразуменьне ў тым, што выбарчая кампанія павінна быць эфэктыўнай і маральнай. А вось у дэталях ёсьць розьніца. Таму мы й ня можам абвясьціць пра агульную пазыцыю».
Як кажуць суразмоўцы «Свабоды», пагадненьне не было падпісанае, бо 2 з 6 адмовіліся зрабіць гэта. Гаворка ідзе пра «Справядлівы сьвет» і БХД.
Обсудить новость на Форуме