13:46 21.07.2010 | Все новости раздела "Объединенная Гражданская Партия"

Кіраўніцтва АГП сустрэлася з Кудрыным і Чубайсам

Буйная канфэрэнцыя зь удзелам расейскіх і беларускіх палітыкаў, эканамістаў, экспэртаў і аналітыкаў пройдзе напрыканцы жніўня ў Маскве.

Пра гэта  паведаміў адзін з арганізатараў мерапрыемства Анатоль Лябедзька:

"Сёньня раніцай разам з Яраславам Раманчуком і Аляксандрам Дабравольскім я вярнуўся з Масквы, дзе мы вырашылі ўсе арганізацыйныя пытаньні. Такім чынам, жнівеньская беларуска-расейская канфэрэнцыя стане традыцыйнай. Сёлета адметнасьць яе ў тым, што ў ёй хочуць удзельнічаць ня толькі апазыцыйныя палітыкі з Расеі, але і прадстаўнікі расейскай улады – заканадаўчай і выканаўчай.

Першая такая канфэрэнцыя прайшла ў жніўні 2009 году ў Менску.

Мы таксама пабылі на сьвяткаваньні 60-годзьдзя сустаршыні партыі "Правое дело" Леаніда Гозмана. Скарысталіся тым, што тут прысутнічалі такія вядомыя людзі, як, напрыклад, Аляксей Кудрын, Анатоль Чубайс ды іншыя. Кандыдат у прэзыдэнты ад нашай партыі Яраслаў Раманчук доўга размаўляў з міністрам фінансаў Расеі. І гэта была размова не пра Лукашэнку, а дыялёг двух спэцыялістаў у галіне эканомікі".

Источник: Объединенная Гражданская Партия

  Обсудить новость на Форуме