19:00 07.07.2010 | Все новости раздела "Объединенная Гражданская Партия"
Яраслаў Раманчук прэзентаваў "Мільён новых працоўных месцаў для Беларусі" ў Жлобіне
Завяршылася сустрэча кандыдата ў прэзідэнты ад АГП Яраслава Раманчука і лідэра партыі Анатоля Лябедзькі з дзеячамі дэмакратычнага руху Жлобіна.
Падчас сустрэчы Яраслаў Раманчук зрабіў прэзентацыю праграмы "Мільён новых працоўных месцаў для Беларусі", якая з’яўляецца часткай яго і партыйнай перадвыбарчай платформы.
"Дэ-юрэ мы яшчэ не можам фармаваць ініцыятыўныя групы, але дэ-факта ўжо ёсць група па збору подпісаў, – адзначыў пасля сустрэчы Раманчук. – У гэту ініцыятыўную групу пагадзіліся ўвайсці не толькі сябры Аб’яднанай грамадзянскай партыі, але і беспартыйныя, прадпрымальнікі. Гэта дзеяздольная група, перад якой можа ставіць высокую планку па зборы подпісаў.
Шмат было пытанняў і па самой праграме. Былі і добрыя парады, як сябе пазіцыянаваць падчас размоў у такіх гарадах як Жлобін, дзе ёсць манапольнае прадпрыемства, як гэта зрабіць найбольш эфектыўна.
Таму такія сустрэчы – гэта рух двухбаковы. Не толькі мы перадаем нейкую інфармацыю, змест нашай праграмы, але і шмат атрымоўваем. Бо людзі, якія прыходзяць на гэтыя сустрэчы, яшчэ і добрыя эксперты".
Обсудить новость на Форуме