19:11 21.04.2010 | Все новости раздела "Объединенная Гражданская Партия"

Яраслаў Раманчук: Мы гатовы сесці за стол перамоваў

Аб’яднаная грамадзянская партыя прапануе ўладам стварыць антыкрызісную групу, якая зоймецца пераходам ад цэнтралізаванай планавай эканомікі да рынкавай. 

Пра гэта паведамілі сёння на прэс-канферэнцыі Старшыня Аб’яднанай грамадзянскай партыі Анатоль Лябедзька і яго намеснік Яраслаў Раманчук.

“Мы вітаем пасыл, што нам патрэбная больш ліберальная эканоміка, больш канкурэнцыі, менш манаполій, больш інвестыцый, - сказаў Яраслаў Раманчук. -  Але ніякіх канкрэтных механізмаў па рэалізацыі гэтых задач у пасланні Лукашэнкі няма. Інтэлектуальны патэнцыял ураду вельмі малы. Таму застаецца ў сіле наша прапанова стварыць антыкрызісную групу, каб яна выпрацоўвала тую антыкрызісную праграму, той інавацыйны падыход, які шукае беларуская улада. І мы гатовы сесці за стол перамоваў”.

Кіраўнікі Аб’яднанай грамадзянскай партыі прадставілі журналістам дакумент пад назвай "20 адрозненняў паміж пасланнямі АГП і Аляксандра Лукашэнкі".  У ім аналізуюцца два падыходы да далейшага эканамічнага і сацыяльнага развіцця Беларусі, якія выкладзеныя у пасланні АГП “За здароў’е чалавека і дзяржавы » (21 сакавіка 2010г.) і пасланні Аляксандра Лукашэнкі «Дынамічны прарыў у развіцці краіны – шлях да новай якасці жыцця”   (20 красавіка 2010г.).

З гэтым дакументам можна азнаёміцца на сайце АГП.

Источник: Объединенная Гражданская Партия

  Обсудить новость на Форуме