15:30 22.10.2009 | Все новости раздела "Объединенная Гражданская Партия"

Яраслаў Раманчук: Мы будзем спажываць тое, што іншыя не бяруць

Шэраг беларускіх прадпрыемстваў – вытворцаў мяса-малочнай прадукцыі зноў патрапілі ў чорны спіс расійскай Федэральнай службы па ветэрынарным і фітасанітарным наглядзе. Ці паказвае гэта на ўзнаўленне колішняй мяса-малочнай вайны з Расіяй? Над гэтым пытаннем разважае кіраўнік Цэнтра Мізэса Яраслаў Раманчук.


Паводле Яраслава Раманчука, найперш новая забарона на ўвоз у Расію беларускай мяса-малочнай прадукцыі гаворыць пра тое, што “дзяржава падтрымлівае гэтыя прадпрыемствы як і падтрымлівала, давала ім грошы, стварала ўмовы, улада бароніць гэтыя прадпрыемствы ад канкурэнцыі. Таксама забарона сведчыць пра тое, што дзяржаўнае кіраванне на гэтых прадпрыемствах не праводзілася, гэтыя вытворцы не могуць кантраляваць якасць прадукцыі”.


Зразумела, што пасля папярэдняга скандалу беларускія мяса-малочныя прадпрыемствы патрапіліі ў спіс тых, хто пастаўляе прадукты з забароненымі рэчывамі, але пры гэтым якасць сваёй прадукцыі яны не павышаюць.


“Не думаю, што мы дачакаемся сапраўднай, магутнай мяса-малочнай вайны, - кажа Яраслаў Раманчук,-  але санкцыі супраць беларускіх прадпрыемстваў будуць уводзіцца, адмяняцца, затым зноў уводзіцца, таму што сістэмы кантролю за якасцю фактычна не існуе, яна не бароніць пакупнікоў ад дрэнных прадуктаў харчавання. І калі расіяне не пускаюць нашы тавары, то гэтыя прадукты мы вымушаны спажываць самі, і нас ніхто не бароніць ад антыбіётыкаў у малацэ, ад розных лекаў, якія ёсць у мясе. Мы будзем спажываць тое, што іншыя не бяруць”.

Источник: Объединенная Гражданская Партия

  Обсудить новость на Форуме