20:30 13.10.2009 | Все новости раздела "Объединенная Гражданская Партия"

Янэз Ленарчыч збіраецца звяртацца да беларускіх уладаў

Старшыня Нацыянальнага Камітэта АДС і старшыня АГП Анатоль Лябедзька і ганаровы старшыня АГП Станіслаў Багданкевіч абмеркавалі перспектыву ўдасканалення выбарчага заканадаўства і перадвыбарную сітуацыю ў Беларусі з дырэктарам БДІПЧ АБСЕ Янэзам Ленарчычам.

"Для нас галоўнае было зразумець,- кажа Анатоль Лябедзька, - у якім стане ідзе перамоўны працэс паміж беларускімі ўладамі і БДІПЧ па змене заканадаўства. Як сказаў сам Ленарчыч, “працэс не адбываецца, працэс стаіць”. Ён распавёў пра свае станоўчыя эмоцыі падчас наведвання Беларусі на пачатку года. Тады высокапастаўленыя асобы, у тым ліку і Макей, стварылі моцную надзею ў тым, што беларускія ўлады насамрэч хочуць, каб наступная выбарчая кампанія была прызнаная, і яны гатовы працаваць з БДІПЧ. Аднак ад траўня дагэтуль няма ніякіх зрухаў".

Станіслаў Багданкевіч будзе ініцыяваць, каб на слуханнях па змене выбарчага заканадаўства, якія, магчыма, усё ж такі пройдуць, прысутнічалі эксперты БДІПЧ. Акрамя таго, як запэўніў Анатоль Лябедзька, пасля мяркуецца правесці дэбаты з удзелам палітычных партый.

Янэз Ленарчыч паведаміў аб сваім намеры звярнуцца да беларускіх уладаў з мэтаю актывізацыі дзеянняў па змене выбарчага заканадаўства.

Источник: Объединенная Гражданская Партия

  Обсудить новость на Форуме