11:46 16.11.2009 | Все новости раздела "Объединенная Гражданская Партия"
Яцэк Пратасевіч: «Мараторый на візавыя санкцыі будзе падоўжаны на паўгода»
«Рада Еўрасаюзу на сваім пасяджэнні ў Брусэлі 17 лістапада падоўжыць на паўгода мараторый на візавыя санкцыі ў дачыненні да найвышэйшых беларускіх чыноўнікаў», — пра гэта заявіў на брыфінгу 14 лістапада падчас Беларускага Еўрапейскага форуму ў Мінску член Еўрапарламента, кіраўнік дэлегацыі па сувязях з Беларуссю Яцэк Пратасевіч.
Еўрачыноўнік звярнуў увагу на тое, што асноўным фактарам у падаўжэнні/адмене санкцый у будучым для беларускіх уладаў будуць змены ў выбарчым заканадаўстве.
Акурат цягам паўгоду ў Беларусі маюць прайсці выбары ў мясцовыя саветы [красавік 2010 года], і «калі гэта выбары пройдуць свабодна і справядліва – то санкцыі наагул будуць знятыя», — заявіў сп. Пратасевіч.
Обсудить новость на Форуме