13:15 09.03.2012 | Все новости раздела "Объединенная Гражданская Партия"

Генералу Паўлу Казлоўскаму — 70 гадоў

Былы міністр абароны нарадзіўся ў Нямеччыне 9 сакавіка 1942. Туды сям’я была вывезеная на прымусовыя працы з роднай вёскі Ваўкаўня Пружанскага раёна. Бацька Казлоўскага загінуў у 1945. Маці адна гадавала пецярых дзяцей. Павел быў наймалодшым з іх.

Вучыўся ў Ташкенцкай агульнавайсковай каманднай вучэльні (скончыў у 1965). Скончыў ваенныя акадэміі імя Фрунзэ (1971–1974) і Генштабу (1985–1987).

Служыў у Грузіі, Арменіі, Расіі. З 1978 дарадца камандзіра брыгады ў Анголе. З 1987 вярнуўся на службу ў Беларусь. У красавіку 1992 прызначаны міністрам абароны Беларусі. Сышоў у адстаўку пасля прыходу да ўлады Аляксандра Лукашэнкі.

У 2001 вылучаўся на выбарах прэзідэнта. Быў адным з пяцёркі дэмакратычных кандыдатаў (Домаш, Ганчарык, Чыгір, Казлоўскі, Калякін), але не набраў неабходнай колькасці подпісаў. На апошніх прэзідэнцкіх выбарах быў даверанай асобай Андрэя Саннікава.

Жанаты, мае трох дзяцей.

Источник: Объединенная Гражданская Партия

  Обсудить новость на Форуме