21:00 28.01.2009 | Все новости раздела "Объединенная Гражданская Партия"
Франак Вячорка ў войску
Франак Вячорка адпраўлены ў войска. Як стала вядома, яго накіравалі ў Баранавічы, у радыётэхнічную вайсковую частку.
Нагадаем, што згодна з рашэннем суда Савецкага раёна Менска, усе мерапрыемствы аб прызыве ў дачыненні да Франака Вячоркі былі прыпыненыя – да уступлення ў сілу рашэння суда. Таму дзеянні ваенкамату абсалютна супрацьзаконныя.
Гвалтоўны прызыў моладзевага актывіста з’яўляецца грубым парушэннем дзеючага заканадаўства Рэспублікі Беларусі. Паводле Закону аб вайсковай службе і вайсковым абавязку РБ, мерапрыемствы па прызыву прыпыняюцца судом да ўступлення ў законную сілу рашэння суда. Паколькі рашэнне па скарзе Франака Вячоркі было вынесенае з грубымі парушэннямі ГПК РБ, фактычна завочна, без удзелу заяўніка і ягонага адваката, да таго ж дадзенае рашэнне не ўступіла ў законную сілу, дзеянні супрацоўнікаў ваенкамату Савецкага раёна Менска супрацьпраўныя.
Такія рэпрэсіўныя метады ў дачыненні да моладзевага лідэра Франака Вячоркі маюць яскравую палітычную афарбоўку, што неаднаразова падкрэслівалі праваабаронцы, паведамляе "Вясна".
Обсудить новость на Форуме