14:46 16.12.2009 | Все новости раздела "Объединенная Гражданская Партия"

Экіпаж затрыманага Іл-76 назваў заказчыкаў зброі і адхрысціўся ад грузу

Украінскія і грузінскія арганізатары завяралі, што самалёт перавозіць грамадзянскія грузы, а не зброю і выбуховыя рэчывы. З такой заявай выступіў экіпаж лайнера, у склад якога ўваходзіць і беларус Міхаіл Петухоў.

У Пхеньяне падчас загрузкі экіпаж знаходзіўся ў гасцініцы. На борце лётчыкі знайшлі апячатаны і апламбаваны груз. Яны толькі праверылі замацаванні.

"Украінская кампанія-фрахтавальнік "Авіятэк" і грузінская кампанія-аператар самалёта Air West Georgia запэўнілі нас, кіруючыся ўмовамі кантракту, што груз мае агульнаграмадзянскі характар", — гаворыцца ў заяве.

Таксама экіпаж адзначыў, што калі б ведаў, што ў самалёт загружана зброя, ён бы адмовіўся выконваць палёт. Нагадаем, на борце Іл-76 у Тайландзе знайшлі каля 35 тон зброі і выбуховых рэчываў. Чатыром грамадзянам Казахстана і аднаму беларусу, якія ўваходзілі ў экіпаж, прад’явілі абвінавачванні ў незаконным захоўванні зброі і выбухоўкі ў асабліва буйных памерах. За гэта законам прадугледжваецца пакаранне ад двух гадоў турмы да смяротнага пакарання, перадае агенцтва “РИА Новости”.

Источник: Объединенная Гражданская Партия

  Обсудить новость на Форуме