13:45 23.03.2012 | Все новости раздела "Объединенная Гражданская Партия"

Эўропа пашырыла санкцыі супраць беларускага рэжыму (Відэа)

es-12Рада міністраў замежных спраў краін Эўразьвязу пашырыла сьпіс беларускіх асобаў і кампаній, што трапляюць пад санкцыі, паведамляе карэспандэнт РС у Брусэлі.

Санкцыі пашырыліся за кошт 29 кампаній і 12 асобаў — судзьдзяў, пракурораў, бізнэсоўцаў, якія, паводле ЭЗ, адказныя за парушэньні правоў чалавека і рэпрэсіі супраць апазыцыі і грамадзянскай супольнасьці, а таксама падтрымліваюць або зьяўляюцца бэнэфіцыярамі ўлады Лукашэнкі.

Дадаткі да сьпісу яшчэ не апублікаваныя, але дзеля таго, што колькасьць кампаній і асобаў адпавядае папярэднім прапановам, можна меркаваць, што санкцыі ўведзеныя супраць бізнэсоўцаў Анатоля Тарнаўскага, Юрыя Чыжа і Ўладзімера Пефціева. Апошні ўжо знаходзіцца ў чорным сьпісе разам з трыма сваімі кампаніямі, але цяпер санкцыі мяркуецца пашырыць на іншыя ягоныя фірмы.

Сьпіс беларускіх чыноўнікаў, якім забаронены ўезд на тэрыторыю ЭЗ і чые актывы павінны быць замарожаны, Рада ЭЗ зацьвердзіла 31 студзеня 2011 года. Зараз у ім больш за 200 прозьвішчаў.

На паседжаньні Рады міністраў ЭЗ аналягічны сьпіс быў дапоўнены і дачыненьні да Сырыі. Сярод 12 новых асобаў у сьпісе - жонка прэзыдэнта Асма Асад і іншыя родныя і сваякі прэзыдэнта Башара Асада.


Афіцыйнае паведамленьне чакаецца пазьней.

Источник: Объединенная Гражданская Партия

  Обсудить новость на Форуме