19:45 07.10.2009 | Все новости раздела "Объединенная Гражданская Партия"
Еўракамісія зацвердзіла праект дамовы паміж Польшчай і Беларуссю
Еўракамісія зацвердзіла праект дамовы паміж Польшчай і Беларуссю аб малым памежным руху. Засталося толькі падпісаць і ратыфікаваць дакумент парламентамі абедзвух краін.
Дзякуючы гэтай дамове жыхары Падляскага і Люблінскага ваяводстваў Польшчы і Берасцейшчыны ды Гарадзеншчыны, па беларускім баку, змогуць у спрошчаным рэжыме перакрочваць мяжу на аснове адмысловага дакумента, кошт якога складае 20 еўра і тэрмін дзеяння доўжыцца 5 гадоў.
Сёння аднаразовая віза каштуе 25 еўра. Прыпамежная паласа, на якой будзе дзейнічаць дамова, мае быць 30-ці кіламетровай шырыні. Крыху шырэйшым ён будзе там, дзе меўся б перарэзваць адміністрацыйныя граніцы гмін і сельсаветаў. У гэтай паласе апынуцца Гайнаўка, Бяла Падляска, Гародня ды Берасце. Беласток не ўваходзіць у гэтую тэрыторыю.
Асобы, якія захочуць візу замяніць на дазвольную картку, павінны быць прапісаны ў дадзенай мясцовасці мінімум 3 гады.
Дагэтуль не ўдалося ўвесці малы памежны рух паміж Польшчай і Украінай, хаця прэм’ер-міністры абедзвух краін падпісалі такое пагадненне яшчэ ў 2008 годзе. Еўракамісія не пагадзілася з некаторымі пунктамі дамовы і дакумент яшчэ не ратыфікаваны.
Обсудить новость на Форуме