18:30 10.11.2009 | Все новости раздела "Объединенная Гражданская Партия"

Еўра-форум на Кастрычніцкай плошчы

Такое рашэнне прыняў 10 лістапада аргкамітэт мерапрыемства.

Паводле намесніка старшыні руху “За Свабоду” Юрася Губарэвіча, у арганізатараў проста няма іншага выйсця, бо гарадскія ўлады дагэтуль не прадаставілі памяшканне для правядзення Еўрапейскага форума.

- Мы не маем ніводнага станоўчага адказу, таму аргкамітэт пацвердзіў сваё ранейшае рашэнне. Мерапрыемства будзе праводзіцца ў любым выпадку 14 лістапада. І мы пачынаем звяртацца да ўдзельнікаў мерапрыемства, заклікаць іх збірацца на Кастрычніцкай плошчы, і ўжо калі на той момант будзе нешта вядома з памяшканнем, мы будзем пераходзіць у памяшканне. Калі не – мы будзем праводзіць Еўрапейскі форум на вольным паветры. 

Нагадаем, што арганізатары Еўрапейскага форума падавалі заяўкі ў чатыры залы, якія змяшчаюць больш за 1 тысячу чалавек. Гэта Палац рэспублікі, канцэртная зала “Мінск”, Палац культуры МАЗ і кінатэатр “Кастрычнік”. На форум, які павінен адбыцца 14 лістапада, прыедуць не толькі каля тысячы дэлегатаў, але і шмат замежных гасцей, у тым ліку і еўрапейскіх парламентароў.

Источник: Объединенная Гражданская Партия

  Обсудить новость на Форуме