11:47 29.01.2012 | Все новости раздела "Объединенная Гражданская Партия"
Беларуская мова даражэй за рускую
У аддзеле выдавецкіх і паліграфічных паслуг Беларускага дзяржаўнага педагагічнага ўніверсітэта акрамя іншых ажыццяўляецца і паслуга набору тэксту.
Цікава, што за набор аднаго і таго ж аб’ёму тэксту на рускай і беларускай мовах кошт значна розніцца — за 1 старонку да 1800 знакаў рускага тэксту давядзецца заплаціць 3500 рублёў, а за той жа аб’ём беларускага тэксту — 5100 рублёў. Такім чынам, набор беларускамоўнага тэксту абыдзецца на 1600 рублёў даражэй за рускамоўны.
У самім аддзеле такую коштавую палітыку патлумачылі тым, што «беларуская мова складаней рускай», але ў далейшым спаслаліся на тое, што цэны ўсталёўвае Міністэрства адукацыі. Варта адзначыць, што закон «Аб мовах у Рэспубліцы Беларусь» кажа, што «ўсякія прывілеі ці абмежаванні правоў па моўных прыкметах недапушчальныя».
www.novychas.org
Обсудить новость на Форуме