17:00 21.07.2009 | Все новости раздела "Объединенная Гражданская Партия"
Беларусь па-ранейшаму знаходзіцца ў спісе несвабодных краін
Праваабарончая арганізацыя "Фрыдам Хаўс" зноў аднесла Беларусь да спісу "несвабодных краін". Пра гэта гаворыцца ў апублікаваным дакладзе "Свабода ў свеце — 2009", у якім робіцца агляд сітуацыі з палітычнымі і грамадзянскімі правамі ў 193 краінах.
"У выніку канцэнтрацыі ўлады ў руках прэзідэнта палітычныя партыі адыгрываюць нязначную ролю ў палітычным працэсе. Апазіцыя не прадстаўлена ў парламенце, у той час як прапрэзідэнцкія члены парламента выконваюць толькі дэкаратыўную функцыю", — гаворыцца ў дакладзе.
Адзначаецца таксама, што беларускія ўлады абмяжоўваюць свабоду прэсы, права на свабоду сходаў і асацыяцый. Акрамя таго, падкрэсліваюць праваабаронцы, не забяспечваецца магчымасць для незалежнай і бесстаронняй працы судовай сістэмы.
Обсудить новость на Форуме