11:18 24.01.2012 | Все новости раздела "Объединенная Гражданская Партия"
Барысаўскія сябры АГП вырашылі назіраць за выбарамі
На прайшоўшым у мінулую нядзелю справаздачна-выбарным сходзе сябры Барысаўскай гарадской арганізацыі Аб'яднанай грамадзянскай партыі вырашылі арганізаваць назіранне за парламенцкімі выбарамі і далучыцца да байкоту.
Пакуль фармат самой кампаніі байкатавання выбараў арганізацыяй яшчэ не выпрацаваны. Але ўсе сябры Барысаўскай гарадской арганізацыі пагадзіліся з тым, што неабходна арганізаваць сетку назірання на выбарчых участках. Такі досвед у арганізацыі ёсць.
«Наша арганізацыя ўжо арганізоўвала сетку назірання за выбарамі розных узроўняў на Барысаўшчыне, - распавёў старшыня Барысаўскай гарадской арганізацыі АГП Міхаіл Васільеў. - Да прыкладу, на апошніх выбарах - прэзідэнцкіх 2010 года - кожны сябра арганізацыі ўдзельнічаў у назіранні. Людзі гэта адукаваныя, выхаваныя, якія ведаюць выбарчае права, і прынцыповыя. Так што іх назіранне - не простая фармальнасць. І не задзейнічаць такі рэсурс на маючых адбыцца выбарах было б не правільна».
www.spring96.org
Обсудить новость на Форуме