18:00 18.04.2012 | Все новости раздела "Объединенная Гражданская Партия"

Бабруйск: «Паэтычны» паклёп на Галіну Смірнову (фота)

smirnova_halina Невядомыя ўначы закідалі паклёпніцкімі ўлёткамі пад’езд, у якім жыве бабруйская актывістка АГП Галіна Смірнова.

- Недзе а сёмай гадзіне раніцы да нас зайшоў сусед і сказаў, што на сценах пад’езда вісяць гэтыя ўлёткі, - распавядае муж актывісткі Аляксандр Смірноў. – Ён ішоў на працу і ўбачыў іх паўсюль, у тым ліку на сценах і ў паштовых скрынях. Канешне ж, я адразу расказаў жонцы, і мы пайшлі адклейваць усё. Але ў паштовых скрынях напэўна нешта засталося. Праверылі і суседнія пад’езды - там, здаецца, чыста.

На ўлётках пад назвай “Знай наших!” размешчаны “паэтычны твор”, якому папярэднічае тэкст са зместам кшталту “паважаныя суседзі, а ці ведаеце вы, хто на самой справе жыве побач з вамі ў гэтым доме?” Некаторыя паперкі былі прымацаваныя да сцен налепкамі “БХД”.

- Аўтар вершаў “прайшоўся” па ўсёй нашай сям’і, - кажа Галіна Смірнова. – Напісаў і пра мяне, і пра мужа, і пра сына з дачкой. Прычым мне ў дакор ставіцца тое, што працую прыбіральшчыцай, дачцэ – што яна артыстка, а пра сына ўвогуле прыпісалі, што ён адседзеў тэрмін за збіццё чалавека, хоць такога зусім не было. Таксама гэты “паэт” нейкія нашы сямейныя праблемы вынес вонкі.

uliotki-pra-smirnovu