14:00 01.06.2010 | Все новости раздела "Объединенная Гражданская Партия"
Анкету ў польскае консульства можна запоўніць толькі праз інтэрнэт
Польскае консульства ў Беларусі больш не будзе прымаць анкеты, запоўненыя ад рукі.
З 24 траўня для таго, каб атрымаць візу, давядзецца знайсці інтэрнэт, затым зарэгістравацца на адмысловым сайце, цягам 30 хвілін запоўніць электронную анкету, а потым раздрукаваць яе на каляровым прынтары. Таксама вы самі абіраеце дату, калі прыйдзеце падаваць дакументы.
У польскім консульстве адзначылі, што электронную візавую анкету мусяць прыносіць усе без выключэння. У тым ліку і тыя, хто з камп’ютарам на "Вы".
Літоўскае консульства пакуль не ўводзіла такія правілы, але можа гэта зрабіць ужо неўзабаве. Прадстаўніцтва Латвіі таксама спадзяецца на хуткае ўвядзенне электронных анкет.
Тым часам з увядзеннем новага Візавага кодэкса Еўрасаюза змяніўся выгляд анкеты на атрыманне шэнгенскай візы. Цяпер на ёй, сярод іншага, маецца наступны тэкст: "Я ведаю і згодны з тым, што пазначана далей: для таго, каб мая заява на выдачу візы была разгледжаная, абавязкова трэба пазначыць звесткі, запатрабаваныя ў гэтай форме заявы, а таксама сфатаграфавацца, а пры патрэбе – даць адбіткі пальцаў".
Гэтыя звесткі будуць захоўвацца ў Візавай інфармацыйнай сістэме на працягу пяці гадоў.
Чакаецца, што браць адбіткі пальцаў у беларусаў еўрапейскія консульствы пачнуць не раней за 2011 год.
Обсудить новость на Форуме