14:46 24.01.2012 | Все новости раздела "Объединенная Гражданская Партия"
Андрэс Херкель застаецца
Студзеньская сесія ПАСЕ – гэта яшчэ і сесія выбараў. Так дэпутат з Эстоніі Андрэс Херкель, які з'яўляецца дакладчыкам Паліткамітэта па Беларусі, абраны старшынёй Камітэта па рэгламенце.
Мы звярнуліся да парламентарыя з пытаннем, ці захавае ён свой пост дакладчыка.
"Я маю намер і надалей заставацца дакладчыкам па Беларусі. Мне цікавая гэта праца, і я бачу яе перспектыву. Трэба будзе больш працаваць, і гэта мне па сілах".
Анатоль Лябедзька пазітыўна ацэньвае намер Херкеля заставацца спікерам па Беларусі.
"Андрэс у тэме. Ён ведае беларускую сітуацыю ў дэталях і тым самым выгодна адрозніваецца ад некаторых сваіх папярэднікаў. Херкель таксама не замяшаны ў нейкіх праектах па пасоўванні бізнесу ў Беларусі, а гэта значыць, што ў яго няма ніякай залежнасці ад каго б там ні было".
Обсудить новость на Форуме