12:31 19.05.2010 | Все новости раздела "Объединенная Гражданская Партия"

Анатоль Лябедзька: Тактыка аднабаковых саступак беларускім уладам не спрацоўвае

Сёння старшыня Аб’яднанай грамадзянскай партыі Анатоль Лябедзька і яго намеснік Яраслаў Раманчук сустрэліся з намеснікам фракцыі лібералаў у Еўрапейскім парламенце Аляксандрам Ламбсдорфам.

“У першую чаргу мы гаварылі пра ўчорашнія падзеі ў Беларусі і пра неабходнасць рэагавання з боку ўсіх фракцый Еўрапарламента, - паведаміў нашаму сайту Анатоль Лябедзька.  -  Усё ўзятае да ўвагі, і мы спадзяемся, што будзе рэакцыя кіраўнікоў фракцый або саміх фракцый”. 

Падчас сустрэчы з Аляксандрам Ламбсдорфам размова ішла і пра неабходнасць карэкціроўкі стратэгіі Еўрапейскага Саюза ў адносінах да Беларусі.

Анатоль Лябедзька давёў, што “сёння тактыка аднабаковых саступак беларускім уладам не спрацоўвае. Не спрацоўвае і падыход, калі адзін ажыццяўляе прэс, а другі гаворыць лагодныя словы. Павінен быць адзін мэсэдж, адно пасланне”.

Абмяркоўваўся нямецкі вектар еўрапейскай палітыкі.

“Мы з Яраславам Раманчуком выказалі крытычныя ацэнкі таго, што зараз ажыццяўляецца, - сказаў Анатоль Лябедзька. - Але там усё ж новая каманда, і могуць быць пэўныя перамены. Зараз разглядаецца магчымасць запрашэння нашай дэлегацыі ў Берлін для таго, каб мы непасрэдна ў Бундэстагу правялі кансультацыі на прадмет карэкціроўкі нямецкай палітыкі ў адносінах да Беларусі”.

Источник: Объединенная Гражданская Партия

  Обсудить новость на Форуме