13:46 22.01.2012 | Все новости раздела "Объединенная Гражданская Партия"
Амбасадар Кэлі: ЗША будуць падтрымліваць дэмакратычныя памкненьні беларусаў
Амбасадар Кэлі выказаў сур’ёзную заклапочанасьць Злучаных Штатаў усё горшай сытуацыяй з правамі і свабодамі чалавека ў Беларусі.
У прыватнасьці, Іэн Кэлі згадаў нядаўна ўведзеныя ў жыцьцё папраўкі ў Адміністрацыйны кодэкс Беларусі, якія накладаюць дадатковыя абмежаваньні на карыстаньне інтэрнэтам у краіне.
Кэлі таксама адзначыў арышт журналіста Белсату Аляксандра Баразенкі ды абвостраныя ўмовы ўтрыманьня палітвязьняў Андрэя Саньнікава і Мікалая Статкевіча.
Пад канец свайго выступу ў Пастаянным камітэце АБСЭ амбасадар Кэлі згадаў парлямэнцкія выбары, якія маюць адбыцца ў Беларусі сёлета, і сказаў:
«Пашана і захаваньне асноўных свабодаў — свабоды выказваньня ды свабоды сходаў і згуртаваньняў — у адпаведнасьці з абавязаньнямі АБСЭ зьяўляецца абсалютна неабходнай для правядзеньня свабодных, справядлівых і вартых даверу выбараў. Мы па-ранейшаму будзем падтрымліваць дэмакратычныя памкненьні беларускага народу нашай дапамогай і ўдзелам».
Обсудить новость на Форуме