10:45 15.03.2012 | Все новости раздела "Объединенная Гражданская Партия"

Алег Гулак – у сьпісе невыязных

gulak-14Старшыня БХК Алег Гулак атрымаў даведку ад міграцыйнай службы, што ён мае часовую забарону на выезд за мяжу.

«Яна называецца часовай, хаця час не ўказаны», – сказаў Алег Гулак карэспандэнту «Свабоды».

«У якасьці падставы там было ўказана толькі тое, што ў зьвязку з грамадзянскім пазовам па лініі органаў юстыцыі. Празь Міністэрства юстыцыі гэтая забарона прыйшла. Не ўказана, ні які суд, ні якая справа, ні якая службовая асоба, нічога. Гэта ёсьць парушэньнем інструкцыі. Сёньня я спрабаваў разабрацца ў Міністэрстве юстыцыі. Пакуль я маю інфармацыю ад Міністэрства юстыцыі, што празь іх такая забарона не праходзіла.

Я, канечне, зьбіраўся паехаць за мяжу, у мяне была ў гэтым неабходнасьць. Але я не паехаў, бо які сэнс?».

Паводле Гулака, складана сказаць, чым выкліканыя такія дзеяньні ўладаў:

«Гэта электронная база дадзеных, і там можна ўсё адсачыць, адкуль інфармацыя прыйшла. Я зараз спрабую разабрацца, што гэта за інфармацыя і кім гэтая забарона ўведзеная. Пакуль падобна, што права тут і блізка не ляжала».

Источник: Объединенная Гражданская Партия

  Обсудить новость на Форуме