21:00 23.09.2009 | Все новости раздела "Объединенная Гражданская Партия"

АГП зьдзіўленая маўчаньнем эўрапейскіх сталіц

Палітрада Аб’яднанай грамадзянскай партыі прыняла спэцыяльную заяву аб падзеях, прысьвечаных 10-й гадавіне зьнікненьня Віктара Ганчара і Анатоля Красоўскага.

Лідэр АГП Анатоль Лябедзька сказаў “Свабодзе”, што гэты дакумэнт зьвернуты і да міжнароднай супольнасьці:
“Мы вітаем рэакцыю Швэцыі як краіны, якая цяпер старшынюе ў Эўразьвязе. Яна выказала заклапочанасьць разгонам беларускімі ўладамі мірнай дэманстрацыі ў Менску. Старшынства заклікала ўлады ўстрымацца ад выкарыстаньня сілы ў дачыненьні да мірных дэманстрацый і забясьпечыць магчымасьць прадстаўнікам незалежных мэдыяў выконваць свае задачы без умяшаньня звонку.

Але нам не зразумела, чаму маўчаць іншыя эўрапейскія сталіцы. Мы чакалі адпаведнай рэакцыі ад нацыянальных парлямэнтаў і ўрадаў на брутальныя дзеяньні беларускіх уладаў па разгоне абсалютна мірнай акцыі.

Мы спадзяемся, што наша заява прыцягне ўвагу парлямэнтаў і ўрадаў многіх дзяржаў. Нам падаецца, што яны вельмі ўважліва прааналізуюць сытуацыю ў Беларусі, перад тым як у кастрычніку Брусэль абвесьціць сваё рашэньне ў дачыненьні да Беларусі”.

Источник: Объединенная Гражданская Партия

  Обсудить новость на Форуме