Намесьнік старшыні АГП Леў Марголін распавёў «Радыё Свабода», што партыя вылучыць на выбары ня менш як 50 так званых сьпікераў (кандыдатаў). Вылучацца будзе і старшыня партыі Анатоль Лябедзька, і пераважная бальшыня партыйнай Палітрады.
«Сёньня-заўтра мы прызначым пазачарговы зьезд АГП для вылучэньня нашых сьпікераў у якасьці кандыдатаў у дэпутаты. Я думаю, што зьезд адбудзецца напрыканцы ліпеня. Таксама мы правядзем пасяджэньне палітрады для таго, каб вылучыць нашых кандыдатаў у склад акруговых камісіяў. Гэта такая даволі аб’ёмная справа. Абласныя саветы таксама павінны вылучыць сваіх прадстаўнікоў у склад участковых камісіяў. Тыя з нашых сьпікераў, хто будзе фармаваць ініцыятыўныя групы, таксама гэта павінны зрабіць да сярэдзіны ліпеня. Мы рыхтуем матэрыялы, якімі будзем даводзіць людзям пра стан сёньняшняй дэмакратыі ў краіне, пра адсутнасьць рэальных выбараў. І пра тое, што сумленныя, празрыстыя выбары — гэта адзіны шлях да новай Беларусі, таксама да матэрыяльнага дабрабыту. Нам вельмі важна, каб наша думка прагучала найбольш аўтарытэтна з вуснаў такіх людзей, як Анатоль Лябедзька і Станіслаў Багданкевіч».
Намесьнік старшыні АГП Леў Марголін распавёў «Радыё Свабода», што партыя вылучыць на выбары ня менш як 50 так званых сьпікераў (кандыдатаў). Вылучацца будзе і старшыня партыі Анатоль Лябедзька, і пераважная бальшыня партыйнай Палітрады.
Обсудить новость на Форуме