19:15 01.10.2010 | Все новости раздела "Объединенная Гражданская Партия"
АГП прапануе распачаць крымінальную справу па факту фальсіфікацыі выбараў 2006 года
Сёння Аляксандр Лукашэнка падчас сустрэчы з журналістамі расійскіх рэгіянальных выданняў пацвердзіў, што вынікі выбарчай прэзідэнцкай кампаніі 2006 года былі сфальсіфікаваныя.
Мяркуючы па тым, што Лукашэнка зрабіў гэтую заяву падчас чарговай прэзідэнцкай кампаніі, якая распачатая ў Беларусі, Аб’яднаная грамадзянская партыя разглядае гэта як адкрыты выклік усім выбарцам і ўказанне на тое, што вынікі і цяперашняй выбарчай кампаніі будуць сфальсіфікаваныя, паведаміў у інтэрв’ю нашаму сайту старшыня АГП Анатоль Лябедзька.
У сувязі з гэтым Аб’яднаная грамадзянская партыя рыхтуе зварот на імя Генеральнага пракурора Рэспублікі Беларусь Р.А.Васілевіча з патрабаваннем распачаць крымінальную справу па факту заявы Аляксандра Лукашэнкі, якая ўтрымлівае прызнанні фальсіфікацыі вынікаў папярэдняй выбарчай кампаніі.
Обсудить новость на Форуме