11:47 25.01.2012 | Все новости раздела "Объединенная Гражданская Партия"

25 студзеня ПАРЭ прымае рэзалюцыю па Беларусі

eurozona-18На зімовай сэсіі ПАРЭ ў Страсбуры выступіць адмысловы дакладчык ПАРЭ па сытуацыі ў Беларусі, эстонскі парлямэнтар Андрэс Хэркель. Па выніках абмеркаваньня ПАРЭ прыме рэзалюцыю з рэкамэндацыямі.

У праекце рэзалюцыі прапанавана не аднаўляць кантакты ПАРЭ зь беларускімі ўладамі на высокім узроўні да таго часу, пакуль у краіне ня будзе ўведзены мараторый на сьмяротнае пакараньне. Да гэтага ж моманту павінна заставацца замарожанай і заяўка Беларусі на вяртаньне Нацыянальнаму сходу статусу спэцыяльнага запрошанага ў ПАРЭ.

Папярэднія слуханьні па сытуацыі ў Беларусі прайшлі ў палітычным камітэце ПАРЭ 23 студзеня.

У іх удзельнічалі прадстаўнікі дэмакратычнай апазыцыі — старшыня АГП Анатоль Лябедзька, лідэр руху «За свабоду» Аляксандар Мілінкевіч і сябра кампаніі «Гавары праўду» Аляксандар Фядута. Таксама перад прысутнымі выступіла Любоў Кавалёва, маці Ўладзіслава Кавалёва, асуджанага да сьмяротнага пакараньня.

Беларусь — адзіная эўрапейская краіна, якая не ўваходзіць у Раду Эўропы. Статус адмыслова запрошанага ў ПАРЭ беларускі парлямэнт страціў 13 студзеня 1997 г.

Источник: Объединенная Гражданская Партия

  Обсудить новость на Форуме