08:00 27.11.2008 | Все новости раздела "Белорусская социал-демократическая партия (Грамада)"

ПРАДСТАЎНІК БСДП (ГРАМАДА) БЯРЭ ЎДЗЕЛ У МІЖНАРОДНАЙ КАНФЕРЭНЦЫІ Ў КІЕВЕ АБ РОЛІ ПРАФСАЮЗАЎ

Першы намеснік старшыні Беларускай сацыял-дэмакратычнай партыі (Грамада) Ігар Маслоўскі бярэ ўдзел у міжнароднай канферэнцыі "Сацыяльная справядлівасць і роля прафсаюзаў у перыяд глабальнага крызісу", якая праходзіць 26 лістапада ў Кіеве.

Як паведамілі БелаПАН у прэс-службе партыі, арганізатарамі канферэнцыі выступілі Федэрацыя прафсаюзаў і Сацыял-дэмакратычная партыя Украіны. Па запрашэнні апошняй у мерапрыемстве ўдзельнічае і прадстаўнік Беларускай сацыял-дэмакратычнай партыі (Грамада).

У рамках канферэнцыі будуць абмяркоўвацца глабальныя эканамічныя тэндэнцыі, роля прафсаюзаў у барацьбе за правы наёмных работнікаў, праблемы сацыяльнай сферы і ролі сацыяльных фондаў, тэндэнцыі і праблемы рынку працы ў свеце і ва Украіне.

Ігар Маслоўскі выступіць на мерапрыемстве з дакладам аб праблемах развіцця дэмакратычных прафсаюзаў у Беларусі.

У рабоце канферэнцыі бяруць удзел выканаўца абавязкаў кіраўніка Федэрацыі прафсаюзаў Украіны Ігар Луцішын, кіраўнік сацыял-дэмакратычнай партыі Украіны Юрый Буздуган, прадстаўнікі Сацыялістычнага Інтэрнацыяналу, прадстаўнікі партый — членаў Сацінтэрна, дэпутаты Еўрапарламента, народныя дэпутаты Украіны, прадстаўнікі кабінета міністраў Украіны, бізнесмены, паведамляе БелаПАН
    

26-11, 13:46



Источник: Белорусская социал-демократическая партия (Грамада)

  Обсудить новость на Форуме