16:30 31.10.2008 | Все новости раздела "Белорусская социал-демократическая партия (Грамада)"

АНАТОЛЬ ЛЯЎКОВІЧ: ЕЎРАСАЮЗ ПРЫНЦЫПОВА ПАМЯНЯЎ СВАЮ СТРАТЭГІЮ Ў АДНОСІНАХ ДА БЕЛАРУСКІХ УЛАДАЎ

21-22 лістапада прэзідыум АДС разам з экспертамі плануюць абмеркаваць змены стратэгіі Еўрасаюза ў адносінах да афіцыйнага Мінска, а 23 лістапада мае прайсці пашыранае паседжанне Палітсавета, цэнтральным пытаннем якога стануць змены еўрапейскай стратэгіі. Гэтая стратэгія палягае ў наўпроставым супрацоўніцтве Еўрасаюза з беларускімі ўладамі, а дэмакратычная апазіцыя ў гэтым працэсе адыгрывае ролю кансультанта “пастфактум”.

Гаворка пра тое ішла на сустрэчы лідэраў АДС з групай па сувязях з Беларуссю Еўрапейскага парламента, якая прайшла 28 кастрычніка ў Вільнюсе.

Вынікі гэтай сустрэчы каментуе адзін з удзельнікаў старшыня Беларускай сацыял-дэмакратычнай партыі (Грамада) Анатоль Ляўковіч.

-Тое, што адбываецца, было відавочна і прагназуема. І рэалізуецца на практыцы.

Адбыліся змены ў стратэгіі Еўрапейскага Саюза ў адносінах да беларускіх уладаў. Еўрасаюз прынцыпова памяняў сваю стратэгію ў адносінах да іх, хаця ішоў да гэтага даўно. Цяпер еўрапейская стратэгія нагадвае стратэгію, якую дагэтуль у адносінах да афіцыйнага Мінска праводзіла Масква: адбываецца спроба дыялогу і наўпроставых кантактаў з беларускімі ўладамі.

Відавочна, гэтыя змены адбіваюцца на дэмакратычным асяродку: ён становіцца менш суб’ектным у гэтым працэсе. Еўропа не выключае суб’ектнасць АДС і грамадзянскай супольнасці, але робіцца гэта ў форме кансультацый пасля таго, як ужо нешта адбылося паміж ЕС і беларускімі ўладамі.

Сёння Аляксандр Лукашэнка апынуўся ў той жа сітуацыі, што і ўся Беларусь. Я называю гэтую сітуацыю “неверагоднай”: Захад інтэгруе Беларусь да сябе, Усход – да сябе. Аляксандр Лукашэнка будзе выціскаць з сітуацыі ўсё, што можна, - каб гэтая ўлада была вечнай. Дэмакратычныя сілы імкнуцца зрабіць добрую справу для краіны, Лукашэнка імкнецца захаваць свой рэжым і ўладу. Прыярытэты – абсалютна розныя.

31.10.2008 10:13



Источник: Белорусская социал-демократическая партия (Грамада)

  Обсудить новость на Форуме