Іржы Пароўбку,
старшыні Чэшскай сацыял-дэмакратычнай партыі

Дарагі дружа,
уся Беларуская сацыял-дэмакратычная партыя (Грамада) у захапленні ад поспеху чэшскіх таварышаў на выбарах у Сенат.

Гэтая пераканаўчая перамога, як і перамога на выбарах у краёвыя органы самакіравання, што адбыліся на тыдзень раней, сведчыць аб высокім аўтарытэце Чэшскай сацыял-дэмакратычнай партыі сярод грамадзян, аб тым, што яе палітыка адпавядае інтарэсам большасці жыхароў Чэхіі.

Віншуючы Цябе і ўсіх чэшскіх таварышаў з бліскучым электаральным поспехам, выказваю надзею, што Чэшская сацыял-дэмакратычная партыя будзе праводзіць традыцыйную палітыку дружбы і супрацоўніцтва з Беларуссю, з Беларускай сацыял-дэмакратычнай партыяй.

З найлепшымі пажаданнямі

Анатоль Ляўковіч,
старшыня
Беларускай сацыял-дэмакратычнай
партыі (Грамады)