15:15 15.10.2008 | Все новости раздела "Белорусская социал-демократическая партия (Грамада)"

Анатоль Ляўковiч сфармуляваў тыя ўмовы, на выкананнi якiх абавязкова будуць настойваць Абяднаныя дэмакратычныя сiлы

13 кастрычнiка Еўрапейскi Саюз часова i часткова замарозiў вiзавыя санкцыi ў адносiнах да 36 прадстаўнікоў афіцыйнага Мiнска, нават у адносiнах да Аляксандра Лукашэнкi, якi атрымаў магчымасць «падарожнiчаць па Еўропе». Персонамi нон-грата ў краiнах Еўрасаюза застаюцца Лiдзiя Ярмошына, Вiктар Шэйман, Уладзiмiр Навумаў, Дзмiтрый Паўлічэнка, Юрый Сівакоў.

Старшыня Беларускай сацыял-дэмакратычнай партыi (Грамада) Анатоль Ляўковiч мяркуе, што на «сённяшнi момант гэтая фармулёўка задавальняе ўсiх: санкцыi часова прыпыняюцца, але ўзамен на саступкi з боку рэжыму».

Анатоль Ляўковiч сфармуляваў тыя ўмовы, на выкананнi якiх абавязкова будуць настойваць Абяднаныя дэмакратычныя сiлы.

-Перш за ўсё, гэта змена выбарчага заканадаўства i практыкi ягонага прымянення; другое: пытанне доступу да СМI. Гаворка ў дадзеным выпадку iдзе пра тое, каб апазiцыя мела доступ i да дзяржаўных СМI. Трэцяе – стварэнне неабходных умоваў для нармальнай дзейнасці недзяржаўных арганiзацый, палітычных партыяў, магчымасць iхняй рэгiстрацыi. Чацвёртая пазiцыя АДС – перагляд Крымінальнага кодэкса, адмена шэрагу артыкулаў, якія прадугледжваюць крымінальную адказнасць за палітычную дзейнасць. Гэта нармалёвая фармулёўка, я лiчу.

Мы цяпер лiчым, што супрацоўнiцтва з рэжымам патрэбнае. Калi б усе папярэднiя 14 гадоў Еўропа супрацоўнiчала з рэжымам, то рэжым размываўся б, i сёння, магчыма, мы не мелi б той сiтуацыi, якую маем. Дый сам рэжым апынуўся ў сiтуацыi, калi супрацоўнiцтва з Еўропай проста неабходна, хоць бы дзеля развiцця эканомiкi. У гэтым выпадку нават напрошваюцца аналогii з Кiтаем, якi развiвае эканамiчныя адносiны ў iнтарэсах свайго народа, хоць палiтычныя рэформы i не праводзiць, - адзначыў Анатоль Ляўковiч.
14.10.2008 09:55



Источник: Белорусская социал-демократическая партия (Грамада)

  Обсудить новость на Форуме