17:00 14.10.2008 | Все новости раздела "Белорусская социал-демократическая партия (Грамада)"

МІХАСЮ ГІЛЮ – 50

                                    Дарагі Міхась Нікадзімавіч,

Віншуем Вас, ветэрана дэмакратычнага руху і Беларускай сацыял-дэмакратычнай партыі (Грамады), з залатым юбілеем.

Мы ведаем Вас як патрыёта Беларусі, які свядома паставіў сябе на службу дэмакартычнага абнаўлення Бацькаўшчыны. Дзякуючы Вам у Пастаўскім раёне склалася ўстойлівае партыйнае ядро. Таварышы па партыі неаднаразова выбіралі Вас старшынёю раённай партыйнай арганізацыі і ў кіруючыя органы Віцебскай абласной арганізацыі. Шмат гадоў Вы ўваходзілі ў кіруючыя органы партыі. Вашы землякі выбіралі Вас дэпутатам Пастаўскага раённага Савета дэпутатаў. Сёлета Вы прадстаўлялі БСДП у Пастаўскай акруговай выбарчай камісіі.

Ваша актыўная грамадзянская пазіцыя выклікала незадавальненне ўладаў. Аднак, нягледзячы на пазбаўленне Вас па палітычных матывах права на працу, на шальмаванне ў афіцыйных сродках масавай інфармацыі, Вы засталіся верным свайму выбару.

У гэты дзень мы не можам не адзначыць Вашу працу на культурна-асветніцкай ніве. Мы ведаем Вас як ініцыятара і выдаўца малатыражных газет “Сумежжа”, “Беражніца”, “Крэсы”, “Сяброўка” і “Шыпшына”, якія распаўсюджваліся ў Пастаўскім, Астравецкім, Браслаўскім, Глыбоцкім, Мёрскім, Мядзелскім і Шаркоўшчынскім раёнах. З газеты “Сумежжа” вырас значны і ўнікальны праект, які  рэалізаваўся ў часопісах “Нашы карані” і “Барвы”, у краязнаўчых кнігах. Цяжка знайсці яшчэ адзін сельскі рэгіён Беларусі, дзе так грунтоўна была б даследавана гісторыя мястэчак і вёсак, дзе склаўся б асяродак творчае інтэлігенцыі.

Віншуючы Вас з 50-годдзем, дзякуючы за Вашу грамадскую і культурна-асветнііцкую працу, мы жадаем Вам, дарагі Міхась Нікадзімавіч, даўгалецця ў добрым здароўі і творчым настроі, зычым Вам новых здзяйсненняў на карысць нашай Бацькаўшчыны і яе культуры.

З таварыскім прывітаннем

Анатоль Ляўковіч, Мечаслаў Грыб, Ігар Маслоўскі, Іван Анташкевіч, Анатоль Сідарэвіч, Валеры Фралоў, Міхась Варанец, Анатоль Гнеўка, Аляксандр Падойніцын, Алег Шабетнік.
    *  *  *

Прэс-служба БСДП таксама горача віншуе старога сябра і далучаецца да ўсемагчымых найлепшых пажаданьняў, якія толькі могуць прагучаць сёння ў дачыненні да спадара Міхася. Моцна ціснем руку!
bsdpps@tut.by



Источник: Белорусская социал-демократическая партия (Грамада)

  Обсудить новость на Форуме