18:15 09.10.2008 | Все новости раздела "Белорусская социал-демократическая партия (Грамада)"

АНАТОЛЬ ЛЯЎКОВІЧ: ДРУГІЯ ВАЙСКОВЫЯ ВУЧЭННІ...

30 верасня прэзідыум Цэнтральнага камітэта Беларускай сацыял-дэмакратычнай партыі (Грамада) падвядзе папярэднія вынікі ўдзелу партыі ў так званых “парламенцкіх выбарах”. Гэтую кампанію старшыня БСДП Анатоль Ляўковіч назваў “другімі вайсковымі вучэннямі” – галоўнай рэпетыцыяй, якую ўлады правялі перад прэзідэнцкай кампаніяй.

-Гэта былі другія вайсковыя вучэнні (першай стала мясцовая выбарчая кампанія). Улады правялі вучэнні, на якіх камісіі, створаныя селекцыйным метадам, правяраліся на адданасць, вернасць і цынізм. Так-так, менавіта на цынізм, таму што паводзіны камісій па-іншаму назваць нельга.

“Парламенцкія выбары”, у адрозненне ад мясцовай кампаніі, праводзіліся крыху ў іншых абставінах. Гэтым разам было скапленне назіральнікаў ад СНД і назіральнікаў ад АБСЕ; міжнародных назіральнікаў садзілі за 4 метры, за дзесяць – і “лічылі” галасы. Палічылі, зразумела, гэтак як трэба: у “парламент” не прайшоў ніводзін прадстаўнік не толькі дэмакратычнай апазіцыі, але і нават ніводзін “умоўны апазіцыянер”.

Гэта былі другія, і апошнія, вайсковыя вучэнні перад прэзідэнцкімі выбарамі. І камісіі здалі іспыт на цынізм.

30.09.2008 13:35



Источник: Белорусская социал-демократическая партия (Грамада)

  Обсудить новость на Форуме