23:30 08.10.2008 | Все новости раздела "Белорусская социал-демократическая партия (Грамада)"

АБ ХОДЗЕ ПАЛІТЫЧНАЙ КАМПАНІІ “ВЫБАРЫ Ў ПАЛАТУ ПРАДСТАЎНІКОЎ НАЦЫНАЛЬНАГА СХОДУ РЭСПУБЛІКІ БЕЛАРУСЬ” (ЗАЯВА ПРЭЗІДЫУМА БСДП)

                                                                            Заява Прэзідыума БСДП

Беларуская сацыял-дэмакратычная партыя (Грамада) выказвае вялікую ўдзячнасць выбаршчыкам, якія аддалі свае галасы кандыдадатам у дэпутаты, якіх вылучыла і падтрымлівала партыя: Вольгу Казуліну, Валянціна Лазарэнкава, Анатоля Ляўковіча, Альберта Маркава, Ігара Маслоўскага, Алену Мядзведзеву, Ігара Рынкевіча, Сяргея Салдаценку, Валерыя Фралова, Анатоля Юрэвіча.

У ходзе выбарчай кампаніі былі занатваныя пэўныя крокі дзейнай улады ў бок змякчэння рэпрэсіўнай палітыкі. Кандыдатаў у дэпутаты ад апазіцыйных палітычных партый не гэтак шальмавалі, як у час папярэдняй выбарчай кампаніі, сябраў ініцыятыўных груп не арыштоўвалі і не падвяргалі штрафам, назіральнікаў (у тым ліку міжнародных) груба не выстаўлялі з выбарчых участкаў.

Змякчыўшы рэпрэсіўную палітыку, улада не памяняла свайго падыходу да змястоўнай часткі выбарчага працэсу.

Зарэгістраваным кандыдатам у дэпутаты чыніліся разнастайныя перашкоды ў правядзенні агітацыйнай кампаніі і ў арганізацыі сустрэч з выбаршчыкамі. Акруговыя і ўчастковыя выбарчыя камісіі былі ўтвораны ўладаю на прынцыпах карпаратыўнасці і адміністрацынай падпарадкаванасці. Працэнт удзелу прадстаўнікоў БСДП і іншых апазіцыйных партый у акруговых камісіях быў нізкі, а працэнт удзелу ва ўчастковых камісіях яшчэ ніжэйшы. Таму выбары былі непразрыстыя. Кантроль за падлікам галасоў быў цалкам выключаны. Неабгрунтавана высокі паказчык удзелу ў датэрміновым галасаванні. Гэта ва ўмовах адсутнасці кантролю за дзейнасцю ўчастковых камісій безумоўна вяло да фальшавання вынікаў галасавання. Назіранне за ходам галасавання і апытанні выбаршчыкаў пасля выбараў паказваюць, што ўлада зноў завысіла агульны працэнт яўкі выбаршчыкаў на ўчасткі. Абвешчаныя вынікі галасавання за кандыдатаў у дэпутаты ад БСДП заніжаныя.

Беручы пад увагу ўсе вышэйпералічанае, Прэзідыум Беларускай сацыял-дэмакратычнай партыі (Грамады) лічыць, што выбары ў Палату прадстаўнікоў Нацыянальнага сходу чацвёртага склікання прайшлі ў несвабодных і несправядлівых умовах, а абвешчаныя вынікі галасавання не адпавядаюць сапраўднасці.
                     30 верасня 2008 г.



Источник: Белорусская социал-демократическая партия (Грамада)

  Обсудить новость на Форуме