19:00 30.09.2008 | Все новости раздела "Белорусская социал-демократическая партия (Грамада)"
М.Грыб: “Ніякай адлігі ня будзе”
Мечыслаў Грыб мяркуе, што нічога добрага незалежнаму беларускаму грамадзтву пасьля парлямэнцкіх выбараў чакаць не варта.
“Праз некалькі дзён пасьля заявы АБСЭ мы даведаемся, што скажа аб беларускіх выбарах кіраўніцтва Эўразьвязу і ЗША. Ад гэтага будзе залежыць і тое, што будзе адбывацца і на Беларусі. Я асабіста нічога добрага тут ня бачу. Ніякага паляпшэньня, ніякай адлігі ў дэмакратыі і правах чалавека на бліжэйшым гарызонце няма. Усё ідзе не да гэтага, а наадварот”.
Заявы беларускіх ўладаў аб празрыстасьці і дэмакратычнасьці выбараў у Палату прадстаўнікоў былы сьпікер Вярхоўнага Савету Мечыслаў Грыб лічыць дымавой заслонай, туманам, у якім хавалася тое, што рабілася на справе.
“Я не разумею А.Лукашэнку як кіраўніка. Пачаўшы гэтую гульню, можна было б працягваць далей. Але ён баіцца нават каго-небудзь дапусьціць у гэты парлямэнт. Мне падаецца, што ён распачаў гульню ў кірунку Захаду на прызнаньне выбараў, а потым яе і перарваў, згуляў шахматнай дошкай па галаве”.
29.09.2008 16:18 Валер Каліноўскі
Обсудить новость на Форуме