21:16 26.09.2008 | Все новости раздела "Белорусская социал-демократическая партия (Грамада)"

Бабруйск - незалежныя кандыдаты звярнуліся да грамадскасці

Сем кандыдатаў ў дэпутаты з Бабруйска – Алена Мядзведзева, Аляксандр Чыгір, Уладзімр Сямашка, Фёдар Вароніч, Міхаіл Кавалькоў, Ганна Гатавец і Сяргей Еўдакімовіч напісалі зварот да выбаршчыкаў, СМІ, унутраных назіральнікаў, міжнароднай грамадскасці і міжнародных назіральнікаў. Нагодай сталі публікацыі ў газеце гарвыканкама “Бабруйскае жыццё”, - з паклёпам і абразамі ў іх бок.

“Са старонак газеты “Бабруйскае жыццё” і гарадскога радыё льецца бруд і хлусня, адбываецца ўмяшальніцтва ў прыватнае жыццё кандыдатаў у дэпутаты. Справа дайшла да таго, што нас пачалі абвінавачваць у справах, якія нясуць крымінальнае пакаранне”, - пішуць кандыдаты.

Складальнікі зварота нагадваюць, што Беларусь ўзяла курс на ўстанаўленне на нармалізацыю стасункаў з Еўропай, якія залежаць ад празрыстасці і справядлівасці выбараў, - але на справе гэтага не адбываецца.

“У выпадку непрызнання міжнароднай грамадскасцю выбараў, віна за гэта цалкам і поўнасцю кладзецца на асобных чыноўнікаў Бабруйскага гарвыканкама і мясцовыя дзяржаўныя СМІ”, - заяўляюць незалежныя кандыдаты ў дэпутаты напрыканцы зварота.

         "Праваабаронцы за свабодныя выбары"  

26.09.2008.



Источник: Белорусская социал-демократическая партия (Грамада)

  Обсудить новость на Форуме