14:00 08.09.2008 | Все новости раздела "Белорусская социал-демократическая партия (Грамада)"

ВІКТАРУ ШАМЯНКОВУ – 70

                                                                    Дарагі Віктар Сідаравіч!

         У дзень Вашага сямідзесяцігоддзя прыміце нашы самыя шчырыя віншаванні.
    Вы звязалі свой лёс з сацыял-дэмакратыяй 2 сакавіка 1991 года – у дзень заснавання Беларускай сацыял-дэмакратычнай Грамады, палітычнай арганізацыі, якая абвясціла сябе прадаўжальніцай справы Беларускай Сацыялістычнай Грамады і Беларускай Сацыял-Дэмакратычнай Партыі.
Сёлета спаўняецца 105 год з дня заснавання БСГ і 90 год ад часу стварэння БСДП. У святле гэтых датаў нам належыць асэнсаваць шлях, пройдзены беларускай сацыял-дэмакратыяй, за апошнія семнаццаць год. І мы асабліва адзначаем, што ўвесь гэты час Вы, дарагі Віктар Сідаравіч, нязменна заставаліся на пазіцыях, выбраных Вамі ў 1991 годзе. Вы захавалі вернасць прынцыпам, якія фармуляваў першы старшыня адроджанай сацыял-дэмакратычнай партыі Міхась Ткачоў.
    У гэты дзень прыміце, наш дарагі таварыш, пажаданне Вам даўгалецця, добрага здароўя, бадзёрасці духу і аптымізму.
    З таварыскім прывітаннем
    Анатоль Ляўковіч, Мечыслаў Грыб, Ігар Маслоўскі, Іван Анташкевіч, Анатоль Сідарэвіч, Валеры Фралоў, Міхась Варанец, Анатоль Гнеўка, Ігар Барысаў, Юры Грынявецкі, Алесь Сердзюкоў



Источник: Белорусская социал-демократическая партия (Грамада)

  Обсудить новость на Форуме