14:30 25.08.2008 | Все новости раздела "Белорусская социал-демократическая партия (Грамада)"

А.ЛЯЎКОВІЧ: “УЛАДЫ ХОЧУЦЬ АТРЫМАЦЬ ПАЛІТЫЧНЫЯ ДЫВІДЭНДЫ”

   Старшыня БСДП(Грамада) Анатоль Ляўковіч зьвязвае вызваленьне А.Казуліна з тым, што “ўлады спрабуюць дэманстраваць намер наладзіць дыялёг з захадам і правесьці выбарчую, палітычную кампанію”.
    “Улады хочуць прадэманстраваць што тут нібыта нешта мяняецца і атрымаць свае палітычныя дывідэнды”, - заявіў А.Ляўковіч камэнтуючы вызваленьне А.Казуліна.
    “Гэта вельмі добрая падзея для ўсіх нас. Асабліва для тых, хто сыстэмна змагаўся за яго вызваленьне. Я выказваў такую думку, што гэта пытаньне будзе станоўча вырашана адразу пасьля зьезду нашай партыі. І мы тут не памыліліся. Мы шчыра рады, што Аляксандар Казулін на волі. Гэта чакалася і так павінна было адбыцца.
    Іншая справа, што ёсьць указ пра ягонае памілаваньне. Тут мы не падзяляем такую пазыцыю, бо наша партыя і ўсе, хто быў побач з намі, заўжды лічылі і будзем лічыць, што Аляксандар Уладзіслававіч атрымаў пакараньне незаконна і што ён знаходзіўся ў турме як палітвязень”.
    Анатоль Ляўкоўвіч сказаў, што яшчэ не сустракаўся з Аляксандрам Казуліным і пытаньне далейшай яго палітычнай дзейнасьці не абмяркоўваў.
    Нагадаем, на апошнім зьезьдзе БСДП(Грамада) Аляксандар Казулін быў абраны ганаровым старшынёй партыі. На пасаду старшыні партыі замест А.Казуліна быў абраны Анатоль Ляўковіч.
                    17.08.2008 12:17 Алесь Дашчынскі



Источник: Белорусская социал-демократическая партия (Грамада)

  Обсудить новость на Форуме