21:45 20.08.2008 | Все новости раздела "Белорусская социал-демократическая партия (Грамада)"

Казулін высвятляў абставіны абрання старшынёй БСДП Ляўковіча

    У аўторак адбылася асабістая сустрэча старшыні брэсцкай абласной арганізацыі Сацыял-дэмакратычнай партыі Грамада Ігара Маслоўскага з цяпер ўжо ганаровым старшынёй партыі, на днях вызваленым палітвязням – Аляксандрам Казуліным.
    Сустрэча, відаць, была даволі нялёгкай, таму што Маслоўскі адмовіўся даваць якую-небудзь інфармацыю для Рацыі або каментар. Стала вядома ад ягонага намесніка Валянціна Лазарэнкава, што Маслоўскі быў у ролі парламентара, якому абласны камітэт партыі даручыў пры перамовах трымацца агульнага рашэння камітэту, якое вызначаецца як немагчымая рэвізія вынікаў з’езду, таму што дэлегацыя ад абласной арганізацыі на з’ездзе галасавала кансалідавана і ў значнай ступені паўплывала на вынік галасавання. Сустрэча з Казуліным была неабходна, каб высветліць усе абставіны, па якіх галасавалі, каб выбраць Ляўковіча.
   Маслоўскі праінфармаваў Казуліна у адкрытую, як былі прынятыя тыя  ці іншыя рашэнні. Лазарэнкаў не выключае, што з цягам часу Казулін можа быць абраны кіраўніком партыі, але толькі не зараз. Дакументы на рашэнне з’езду аб абранні новага старшыні ўжо ў міністэрстве юстыцыі.
    Ганна Васілевіч, Радыё Рацыя, Брэст.   20-08, 10:38



Источник: Белорусская социал-демократическая партия (Грамада)

  Обсудить новость на Форуме