07:15 02.08.2008 | Все новости раздела "Белорусская социал-демократическая партия (Грамада)"

Слонім: старшыню абласной арганізацыі БСДП дапыталі ў КДБ

   У КДБ выклікалі старшыню абласной арганізацыі БСДП Міхася Варанца і Віталя Ешану, які ўзначальвае мясцовую кааліцыю АДС.
    Міхась Варанец жыве ў Слоніме, але ўзначальвае Гарадзенскую абласную арганізацыю Беларускай сацыял-дэмакратычнай партыі. Ён прафэсійны вайсковец, маёр запасу.
    Пры канцы дня 31 ліпеня на камвольна-прадзіўную фабрыку, дзе ён працуе ў ахове, прыехаў супрацоўнік КДБ Аляксандар Калоша. Ён прапанаваў паехаць у аддзел КДБ для размовы пра тое, дзе спадар Варанец быў у ноч з 3-га на 4-га ліпеня, калі ў Менску адбыўся выбух. Быў складзены пратакол апытаньня, але Міхась Варанец не згадзіўся, каб у яго ўзялі адбіткі пальцаў.
    Ён зазначае, што ў ахове фабрыкі працуюць 36 чалавек, але ў КДБ выклікалі толькі яго і Віталя Ешану, які ўзначальвае мясцовую кааліцыю АДС. Сярод супрацоўнікаў аховы ёсьць таксама іншыя вайскоўцы, але іх нікуды не выклікалі, зазначачыў спадар Варанец.
    31.07.2008 21:47  Сяргей Астраўцоў     



Источник: Белорусская социал-демократическая партия (Грамада)

  Обсудить новость на Форуме