18:02 20.09.2010 | Все новости раздела "Белорусская социал-демократическая партия (Грамада)"

Зварот да Анатоля Сідарэвіча

Шаноўны таварыш Анатоль!

Мы, сябры Гродзенскай абласной арганізацыі Беларускай сацыял-дэмакратычнай партыі (Грамады), улічваючы твой вялікі досвед у партыйнай арганізацыйнай працы, у развіцці тэорыі сацыял-дэмакратычнага руху і твае напрацоўкі па гісторыі беларускай сацыял-дэмакратыі звяртаемся да цябе з пераканаўчай просьбай адклікаць сваю заяву аб выхадзе з шэрагаў БСДП і даць сваю згоду балатавацца на адну з кіраўнічых пасадаў на чарговым з’ездзе.

Разумеючы ўсю неабходнасць твайго ўдзелу ў справе стабілізацыі ўнутрыпартыйнага жыцця і станаўлення палітычнага аўтарытэту нашай з табой партыі, выказваем шчырыя спадзяванні, што ты прыслухаешся да нашай просьбы.

У сваю чаргу мы запэўніваем цябе у нашай падтрымцы тваёй дзейнасці.

Ад імя канферэнцыі Гродзенскай абласной арганізацыі БСДП

Аскірка Валянцін
Вештард Ірына
Патрэба Міхаіл
Гродна, 19 верасня 2010

Источник: Белорусская социал-демократическая партия (Грамада)