22:30 20.08.2013 | Все новости раздела "Белорусская социал-демократическая партия (Грамада)"
Залаты кубак вярнуўся ў Берасце
Залаты кубак прыехаў у Берасце. Яго атрымалі актывісты кампаніі “Гавары праўду” за лепшыя вынікі працы сярод рэгіёнаў у ліпені. Штомесяц кубак мае новых уладальнікаў.
Актывіст кампаніі Ігар Маслоўскі лічыць, што ўзнагарода адпавядае той працы, якая была праведзеная ў рэгіёне:
- Гэты кубак быў заснаваны Уладзімірам Някляевым і кампаніяй “Гавары праўду”. За пяць месяцаў ён другі раз знаходзіцца ў Берасці. Я б назваў гэта так: за дапамогу жыхарам Берасця ў вырашэнні праблем. Бо сапраўды ў ліпені нашыя актывісты, нягледзячы на летнюю пару, актыўна дапамагалі жыхарам нашага горада ў вырашэнні праблем. Мы маем станоўчыя вынікі.
Ігар Маслоўскі прыгадвае, што ў ліпені кампанія “Гавары праўду” атрымала шэраг станоўчых вынікаў, калі казаць пра рамонты дарог. Прыведзены ў належны стан вуліцы Ракасоўскага і Асіпенкі. Цяпер працягваюцца сацыяльныя кампаніі і змаганне за парадкаванне двароў.
Беларускае , Берасце
Обсудить новость на Форуме