19:15 22.04.2016 | Все новости раздела "Белорусская социал-демократическая партия (Грамада)"

XVII нечарговы з’езд БСДП адбудзецца 17 ліпеня

Такую пастанову – правесці XVIIнечарговы з’езд Беларускай сацыял-дэмакратычнай партыі (Грамады) 17 ліпеня 2016 г. у г. Мінску – прыняў Цэнтральны Камітэт БСДП.

Цэнтральны Камітэт устанавіў, што аднаго дэлегата на з’езд будуць выбіраць ад 40 сябраў партыі, якія стаяць на ўліку ў абласных і Мінскай гарадской арганізацыях БСДП па стану на 29 лютага 2016 года.

Такая ж норма прадстаўніцтава ўстаноўлена і для сябраў БСДП, якія пражываюць у Гомельскай і Магілёўскай абласцях, дзе няма зарэгістраваных (пастаўленых на ўлік) абласных партыйных арганізацый.

Брэсцкая абласная арганізацыя БСДП павінна выбраць 8 дэлегатаў, Віцебская абласная – 6 дэлегатаў, Гродзенская абласная – 2-х дэлегатаў, Мінская абласная – 3-х дэлегатаў, Мінская гарадская – 4-х дэлегатаў.

Сацыял-дэмакраты, якія пражываюць у Гомельскай і Магілёўскай абласцях, могуць быць прадстаўленыя 2-ма і 4-ма дэлегатамі адпаведна.

У парадак дня З’езду выносяцца два пытанні:

а) аб вылучэнні кандыдатаў у дэпутаты Палаты прадстаўнікоў Нацыянальнага сходу Рэспублікі Беларусь;

б) рознае.

Канферэнцыі Брэсцкай, Віцебскай, Гродзенскай, Мінскай абласных і Мінскай гарадской арганізацый БСДП па выбарах дэлегатаў на З’езд павінны прайсці да 2 ліпеня.

У такі ж тэрмін рэкамендавана правесці канферэнцыі па выбарах дэлегатаў ад сябраў БСДП, якія пражываюць у Гомельскай і Магілёўскай абласцях. Даты правядення гэтых канферэнцый вызначыць Прэзідыум БСДП.

На канферэнцыях будуць вылучаны таксама кандыдаты ў сябры мандатнай і падліковай камісій З’езду.

Источник: Белорусская социал-демократическая партия (Грамада)

  Обсудить новость на Форуме