14:02 10.01.2012 | Все новости раздела "Белорусская социал-демократическая партия (Грамада)"
Валянцін Лазарэнкаў: Улады парушаюць неад'емныя правы грамадзян
Пытанне адносна дазволу або забароны пікетаванняў “За годную працу!” у горадзе над Бугам засталося нявырашаным.
Суд Ленінскага раёна горада Брэста палічыў, што для таго, каб абскарджваць адмову ў правядзенні такога мерапрыемства, выйшлі ўсе тэрміны. Старшыня брэсцкай абаласной арганізацыі Свабоднага прафсаюза Беларускага Валянцін Лазарэнкаў патлумачыў рашэнне суддзі:
- Рашэнне, якое вынес суд, было не на нашу карысць. Мы можам абскардзіць яго ў дзесяцідзённы тэрмін у вышэйстаячыя арганізацыі. Але пакуль што рашэнне не прынята, таму што фармальна падставай для адказу з’явілася тое, што мы не абскардзілі яго ў свой час. Палічылі, што гэты тэрмін быў прапушчаны.
Прадстаўнікі брэсцкай суполкі Свабоднага прафсаюза Беларусі лічаць забароны пікетаванняў з боку гарадскога выканаўчага камітэта сістэматычнымі і неабгрунтаванымі, што парушае неад’емныя правы грамадзян на свабоду слова, правядзенне мітынгаў і пікетаванняў.
Падставаю для адмовы пікетаванняў гарадскімі ўладамі стала адсутнасць спецыяльных дамоваў з рознага кшталту інстанцыямі.
Аліса Поль, Радыё Рацыя, Брэст
Гл. таксама:
Обсудить новость на Форуме