16:45 20.03.2014 | Все новости раздела "Белорусская социал-демократическая партия (Грамада)"

Валеры Фралоў: Расея надзімае шчокі… гісторыя ведала гэта неаднойчы

Украіна разгорне паблізу мяжы з Расеяй тактычныя групы ўзброеных сілаў. На думку былога дэпутата Палаты прадстаўнікоў Нацыянальнага сходу, генерала Валерыя Фралова, “канфлікт трэба вырашаць дыпламатычнымі, а не ваеннымі шляхамі”.
Як заявіў сакратар Рады нацыянальнай бяспекі і абароны Украіны Андрэй Парубій, Кіеў падрыхтаваў зварот да гарантаў бяспекі Украіны аб правядзенні на сваёй тэрыторыі сумесных вучэнняў.

Службе бяспекі Украіны, Міністэрству ўнутраных спраў і узброеным сілам загадана выконваць даручэнне аб прывядзенні ў поўную баявую гатоўнасць.

Тым часам, ёсць паведамленні, што расейцы таксама сцягваюць свае войскі бліжэй да ўкраінскай мяжы. Не засталася ў баку і “братняя Беларусь”, куды Пуцін накіраваў самалёты.

Валеры Фралоў: Сёння наступіў час супрацьстаяння. Польша, краіны Балтыі заяўляюць аб падтрымцы Украіны, Расея суадносна не адступіцца ад сваіх намераў, якія паказвае і пацвярджае ваеннай сілай.

РР: Навошта Беларусі ўцягвацца ў ваенны канфлікт?

Валеры Фралоў: А куды дзенешся? Беларускія ўлады, што называецца, павязаны Крамлём, таму сваю ўласную пазіцыю ў гэтай сітуацыі асабліва і не выкажаш.

РР: Ваш прагноз: як могуць далей развівацца расейска-украінскае супрацьстаянне? Ці магчыма прымяненне ваеннай сілы з абодвух бакоў?

Валеры Фралоў: Наўрад ці… вайны не будзе. Зараз жа не той час, каб па полі бегала кавалерыя з шашкамі і крычала “Ура!”. Ёсць такія сродкі паражэння, пасля выкарыстання якіх добра не будзе нікому. Бо відавочна ж, што і НАТА можа не застацца ў баку канфлікта. А пакуль што трасуць мускуламі, Расея надзімае шчокі… Гэта працэс, які гісторыя ведала ўжо неаднойчы, і які нікому нічога добрага не прыносіць.


Источник: Белорусская социал-демократическая партия (Грамада)

  Обсудить новость на Форуме